- Viadei - La Bible (Hébreu) : 2 Timothée - Chapitre 3
Outils ▼
Sélectionnez une Bible :
Segond 1910 | Ostervald 1744 | Darby | Chouraqui | King James (2006) | New American Std | Hébreu | Hébreu/Grec + Strongs | KJV + Strongs | Second + Strongs |
Sélectionnez un livre :
1 וְעַתָּה דַּע-לְךָ כִּי דֹרוֹת יִוָּלְדוּ בְּאַחֲרִית הַיָּמִים עַד-לְהַשְׁחִית׃ 2 כִּי-יָקוּמוּ אֲנָשִׁים אֹהֲבֵי עַצְמָם רֹדְפֵי בֶצַע מַרְחִיבֵי פֶה וְעֵינַיִם רָמוֹת דֹּבְרֵי סָרָה מַמְרִים לְיֹלְדֵיהֶם חֶסֶד לֹא יַכִּירוּ וְכָל-קֹדֶשׁ יְחַלֵּלוּן׃ 3 חַסְרֵי רַחֲמִים מְפִירֵי בְרִית וּמְלָשְׁנִים זוֹלְלִים אַכְזָרִים וְשׁנְאֵי כָל-טוֹב׃ 4 מֹסְרִים פֹּחֲזִים וְזֵדִים רֹדְפִים לְהִתְעַנֵּג בְּתַעֲנוּגִים מֵהִתְעַנֵּג בֵּאלֹהִים׃ 5 וְהֵם פָּנִים לָהֶם כִּדְמוּת יִרְאַת שָׁמַיִם אַךְ מִכֹּחָהּ אֵין בְּקִרְבָּם וְעַל-כֵּן הַרְחֵק נַפְשְׁךָ מֵהֶם׃
6 כִּי-מֵהֶם הֵם הַזֹּחֲלִים לָבוֹא אֶל-הַבָּתִּים לְנַהֵג כִּשְׁבֻיּוֹת חֶרֶב נָשִׁים סָרוֹת טַעַם מְלֵאוֹת עָוֹן וְנַפְשָׁן שׁוֹקֵקָה לְכָל-תְּשׁוּקָה׃ 7 הֵן הֵנָּה הַלֹּמְדוֹת תָּמִיד וְלָדַעַת אֶת-הָאֱמֶת אֵין לְאֵל יָדָן׃ 8 כִּי-כְמוֹ יַנִּיס וְיַמְבְּרִיס הִתְיַצְּבוּ בִּפְנֵי משֶׁה כֵּן גַּם-אֵלֶּה מִתְיַצְּבִים בִּפְנֵי הָאֱמֶת בָּנִים מַשְׁחִיתִים בְּדַעַת וּנְלוֹזִים בָּאֱמוּנָה׃ 9 אַךְ חֶפְצָם לֹא יִצְלַח עוֹד בְּיָדָם כִּי תִגָּלֶה נַבְלֻתָם לְעֵינֵי-כֹל כַּאֲשֶׁר קָרָה גַּם-לַאֲנָשִׁים הָהֵם׃
10 וְאַתָּה הָלַכְתָּ בְעִקְּבוֹתַי בְּמַעְגְּלֵי תוֹרָתִי בַּהֲלִיכוֹת חַיַּי וּבִמְגַמַּת פָּנָי בֶּאֱמוּנָתִי בְּאֹרֶךְ רוּחִי בְּאַהֲבָתִי וּבְסִבְלוּת נַפְשִׁי׃ 11 וּבִרְדִיפוֹת וּבְצָרוֹת אֲשֶׁר יָדַעְתָּ כִּי אֲפָפוּנִי בְּאַנְטְיוֹכְיָא בְּאִקּוֹנְיָא וּבְלוּסְטְרָא כִּי-שָׁם נִרְדַּפְתִּי עַל-צַוָּארִי עַד אֲשֶׁר-הִצִּילַנִי הָאָדוֹן מִכָּל-רֹדְפָי׃ 12 כִּי הֲלֹא כֻלָּם הַחֲפֵצִים בְּחַיֵּי יִרְאַת שָׁמַיִם בְּיֵשׁוּעַ הַמָּשִׁיחַ נִרְדָּפִים הֵמָּה׃ 13 אַךְ אֲנָשִׁים רָעִים וְקֹסְמִים כֵּן יָרֵעוּ וְכֵן יַשְׁחִיתוּ מַתְעִים הֵם וְנִתְעִים׃
14 אֳבָל אַתָּה שְׁמֹר אֶת-אֲשֶׁר לָמַדְתָּ וְהִשְׂכַּלְתָּ אֶל-נָכוֹן כִּי יָדַעְתָּ מִי-הוּא אֲשֶׁר מִפִּיו לָמָדְתָּ׃ 15 וְכִי-מִנְּעֻרֶיךָ יָדַעְתָּ אֶת-כִּתְבֵי הַקֹּדֶשׁ אֲשֶׁר עַל-יָדָם תַּשְׂכִּיל לְהִוָּשַׁע בֶּאֱמוּנַת יֵשׁוּעַ הַמָּשִׁיחַ׃
16 כָּל-כִּתְבֵי הַקֹּדֶשׁ עַל-פִּי רוּחַ אֱלֹהִים הֵמָּה וּנְכֹנִים לְהוֹרֹת וּלְהוֹכִיחַ לְהָשִׁיב נֶפֶשׁ וּלְיַשֵּׁר בְּמַעְגְּלֵי צֶדֶק׃ 17 וְעַל-פִּיהֶם שָׁלֵם יִהְיֶה אִישׁ הָאֱלֹהִים וְנָכוֹן לְכָל-מַעֲשֶׂה טּוֹב׃
6 כִּי-מֵהֶם הֵם הַזֹּחֲלִים לָבוֹא אֶל-הַבָּתִּים לְנַהֵג כִּשְׁבֻיּוֹת חֶרֶב נָשִׁים סָרוֹת טַעַם מְלֵאוֹת עָוֹן וְנַפְשָׁן שׁוֹקֵקָה לְכָל-תְּשׁוּקָה׃ 7 הֵן הֵנָּה הַלֹּמְדוֹת תָּמִיד וְלָדַעַת אֶת-הָאֱמֶת אֵין לְאֵל יָדָן׃ 8 כִּי-כְמוֹ יַנִּיס וְיַמְבְּרִיס הִתְיַצְּבוּ בִּפְנֵי משֶׁה כֵּן גַּם-אֵלֶּה מִתְיַצְּבִים בִּפְנֵי הָאֱמֶת בָּנִים מַשְׁחִיתִים בְּדַעַת וּנְלוֹזִים בָּאֱמוּנָה׃ 9 אַךְ חֶפְצָם לֹא יִצְלַח עוֹד בְּיָדָם כִּי תִגָּלֶה נַבְלֻתָם לְעֵינֵי-כֹל כַּאֲשֶׁר קָרָה גַּם-לַאֲנָשִׁים הָהֵם׃
10 וְאַתָּה הָלַכְתָּ בְעִקְּבוֹתַי בְּמַעְגְּלֵי תוֹרָתִי בַּהֲלִיכוֹת חַיַּי וּבִמְגַמַּת פָּנָי בֶּאֱמוּנָתִי בְּאֹרֶךְ רוּחִי בְּאַהֲבָתִי וּבְסִבְלוּת נַפְשִׁי׃ 11 וּבִרְדִיפוֹת וּבְצָרוֹת אֲשֶׁר יָדַעְתָּ כִּי אֲפָפוּנִי בְּאַנְטְיוֹכְיָא בְּאִקּוֹנְיָא וּבְלוּסְטְרָא כִּי-שָׁם נִרְדַּפְתִּי עַל-צַוָּארִי עַד אֲשֶׁר-הִצִּילַנִי הָאָדוֹן מִכָּל-רֹדְפָי׃ 12 כִּי הֲלֹא כֻלָּם הַחֲפֵצִים בְּחַיֵּי יִרְאַת שָׁמַיִם בְּיֵשׁוּעַ הַמָּשִׁיחַ נִרְדָּפִים הֵמָּה׃ 13 אַךְ אֲנָשִׁים רָעִים וְקֹסְמִים כֵּן יָרֵעוּ וְכֵן יַשְׁחִיתוּ מַתְעִים הֵם וְנִתְעִים׃
14 אֳבָל אַתָּה שְׁמֹר אֶת-אֲשֶׁר לָמַדְתָּ וְהִשְׂכַּלְתָּ אֶל-נָכוֹן כִּי יָדַעְתָּ מִי-הוּא אֲשֶׁר מִפִּיו לָמָדְתָּ׃ 15 וְכִי-מִנְּעֻרֶיךָ יָדַעְתָּ אֶת-כִּתְבֵי הַקֹּדֶשׁ אֲשֶׁר עַל-יָדָם תַּשְׂכִּיל לְהִוָּשַׁע בֶּאֱמוּנַת יֵשׁוּעַ הַמָּשִׁיחַ׃
16 כָּל-כִּתְבֵי הַקֹּדֶשׁ עַל-פִּי רוּחַ אֱלֹהִים הֵמָּה וּנְכֹנִים לְהוֹרֹת וּלְהוֹכִיחַ לְהָשִׁיב נֶפֶשׁ וּלְיַשֵּׁר בְּמַעְגְּלֵי צֶדֶק׃ 17 וְעַל-פִּיהֶם שָׁלֵם יִהְיֶה אִישׁ הָאֱלֹהִים וְנָכוֹן לְכָל-מַעֲשֶׂה טּוֹב׃